२०८३ साउन २७, बुधबार
२०८३ साउन २७, बुधबार
काठमाडौं । सरकारले सुनसरी र सिरहामा भएका प्रदर्शनका क्रममा मृत्यु भएका चार जनालाई शहीद घोषणा गरेको छ।
आज बसेको मन्त्रिपरिषद् बैठकले सुनसरीका ओमप्रकाश मेहता, जयप्रकाश मेहता, रवीन्द्रकुमार मेहता र सिरहाका गणेशकुमार यादवलाई शहीद घोषणा गर्ने निर्णय गरेको हो। सरकारका प्रवक्ता तथा शिक्षामन्त्री सस्मित पोखरेलले मन्त्रिपरिषद्को निर्णयबारे जानकारी दिएका हुन्।
साउन ९ गते राति दुई समुदायबीच भएको झडपका क्रममा सुनसरीको देवानगञ्ज गाउँपालिका–३ कप्तानगञ्जमा ओमप्रकाश मेहताको मृत्यु भएको थियो। सोही घटनामा घाइते भएका जयप्रकाश मेहताको उपचारका क्रममा विराटनगरमा मृत्यु भएको थियो भने रवीन्द्रकुमार मेहताको काठमाडौंस्थित शिक्षण अस्पतालमा उपचारका क्रममा मृत्यु भएको थियो।
देवानगञ्जमा भएको घटनापछि उत्पन्न तनावका क्रममा सिरहाको गोलबजारमा भएको प्रदर्शनमा गणेशकुमार यादवको मृत्यु भएको थियो।
सरकारले मृतकका परिवारलाई राहत तथा क्षतिपूर्तिलगायतका विषयमा समेत सम्बोधन गर्ने जनाएको छ। यसअघि गृहमन्त्री सुधन गुरुङले मृतकका परिवारसँग राहत तथा क्षतिपूर्तिसहितका विषयमा सहमति गरेका थिए।
काठमाडौं । यस वर्षको हरितालिका तीजलाई लक्षित गरी सार्वजनिक गरिएको चर्चित तीज गीत ‘मलाई हुइक्यायो दिल्लीको बसैले’ले युट्युबमा १० लाखभन्दा बढी भ्युज पार गरेको...
गुल्मी । सञ्चारकर्मी तथा सर्जक बासुदेव पोखरेलको शब्द सिर्जनामा तयार भएको नयाँ मौलिक तीज गीत ‘रेलिमै घुमौँला फिरम्ला’ सार्वजनिक भएको छ।
काठमाडौं । साताको तेस्रो कारोबार दिन बुधबार नेप्से परिसूचक सामान्य अंकले बढेर बन्द भएको छ। कारोबार अवधिको अधिकांश समय नकारात्मक रहेको नेप्से अन्तिम समयमा ०.५५ अंकले बढे...
.jpg)
