२०८३ असोज २९, बिहिबार
२०८३ असोज २९, बिहिबार
काठमाडौं । अर्थमन्त्री डा. स्वर्णिम वाग्लेले प्राकृतिक विपद्पछिको पुनरुत्थान र जलवायु उत्थानशील पुनर्निर्माणका लागि नेपाललाई सहयोग गर्न एसियाली विकास बैंक (एडीबी)सँग आग्रह गरेका छन् ।
थाइल्यान्डको राजधानी बैंककमा जारी विश्व बैंक र अन्तर्राष्ट्रिय मुद्रा कोषको वार्षिक बैठकका क्रममा बिहीबार अर्थमन्त्री वाग्ले र एडीबीका अध्यक्ष मासातो कान्दाबीच भेटवार्ता भएको थियो ।
भेटमा अर्थमन्त्री वाग्लेले विपद्पछिको पुनरुत्थान, जलवायु उत्थानशील पुनर्निर्माण तथा नेपालको दीर्घकालीन आर्थिक प्राथमिकता कार्यान्वयनका लागि आवश्यक स्रोत परिचालनमा सहयोग गर्न अध्यक्ष कान्दालाई आग्रह गरेका हुन् ।
विनाशकारी बाढीपछि उद्धार कार्यमा सहयोग पुर्याउन आपत्कालीन अनुदान छिटो स्वीकृत गरेकोमा अर्थमन्त्री वाग्लेले एडीबीप्रति नेपाल सरकारका तर्फबाट आभार व्यक्त गरे । उनले विपद्को कठिन परिस्थितिमा बैंकले देखाएको ऐक्यबद्धताको पनि प्रशंसा गरे ।
भेटका क्रममा एडीबी अध्यक्ष कान्दाले नेपालको विकासका लागि सहकार्य गर्नु बैंकको उच्च प्राथमिकतामा रहेको बताए ।
छलफलमा अर्थमन्त्री वाग्लेसँगै भ्रमण दलमा सहभागी अर्थसचिव डा. घनश्याम उपाध्याय र मन्त्रालयका सहसचिव अमृत लम्साल पनि उपस्थित थिए ।
काठमाडौं । बैंक तथा वित्तीय संस्थामा १२ खर्ब ६६ अर्ब रुपैयाँ अधिक तरलता रहेको र वार्षिक २३ खर्ब रुपैयाँभन्दा बढी रेमिट्यान्स भित्रिइरहेको अवस्थामा पनि नेपालको लगानी विस...
काठमाडौं । बैंक तथा वित्तीय संस्थाहरूको नाफामा चालु आर्थिक वर्ष २०८३/८४ को सुरुवाती दुई महिनामा सुधार देखिएको छ । कर्जा प्रवाहमा सुस्तता, लगानीयोग्य रकमको अधिकता र खराब...
काठमाडौं । चालु आर्थिक वर्ष २०८३/८४ को भदौसम्म जीवन बीमा कम्पनीहरूले बीमालेख समर्पणबापत बीमितलाई २ अर्ब ५७ करोड रुपैयाँभन्दा बढी भुक्तानी गरेका छन् । नेपाल बीमा प्राधिक...
