काठमाडौं । वाणिज्य बैंकहरूको नाफा वृद्धि संगै प्रतिसेयर आम्दानी (इपिएस) मा पनि सुधार भएको छ । हाल बैंकहरूको औसत इपिएस १९.४३ रुपैयाँ पुगेको छ, जुन अघिल्लो वर्षको १४.२४ रुपैयाँ भन्दा ५.१९ रुपैयाँले बढी हो ।

एभरेष्ट बैंकले सबैभन्दा उच्च इपिएस कायम गरेको छ । यसको इपिएस ३७.९९ रुपैयाँ पुगेको छ, जुन अघिल्लो वर्षको तुलनामा ६.५२ रुपैयाँले वृद्धि हो । त्यसपछि स्ट्याण्डर्ड चार्टर्ड बैंकको इपिएस ३०.१७ रुपैयाँ छ तर अघिल्लो वर्षको तुलनामा ४.५६ रुपैयाँले घटेको छ ।

त्यस्तै, कृषि विकास बैंकले २७.६३ रुपैयाँ, नबिल बैंकले २६.३४ रुपैयाँ, नेपाल बैंकले २५.६८ रुपैयाँ, राष्ट्रिय वाणिज्य बैंकले २४.४१ रुपैयाँ, सिद्धार्थ बैंकले २४.१० रुपैयाँ, प्रभु बैंकले २३.१२ रुपैयाँ र प्राइम कमर्सियल बैंकले २०.७४ रुपैयाँ इपिएस आर्जन गरेका छन् ।

नेपाल इन्भेष्टमेन्ट मेगा बैंकको इपिएस १९.८ रुपैयाँ, सानिमा बैंकको १८.९३ रुपैयाँ, एनएमबिको १७.८७ रुपैयाँ, माछापुच्छ्रे बैंकको १७.३१ रुपैयाँ, लक्ष्मी सनराइजको १६.९१ रुपैयाँ, नेपाल एसबिआईको १६.५४ रुपैयाँ र ग्लोबल आइएमईको १६.२८ रुपैयाँ रहेको छ ।

यस बाहेक सिटिजन्स बैंक (८.७६ रुपैयाँ), कुमारी बैंक (८.०७ रुपैयाँ), हिमालयन बैंक (६.९८ रुपैयाँ) र एनआइसी एशिया बैंक (१.०८ रुपैयाँ) को इपिएस १० रुपैयाँ भन्दा कम देखिएको छ ।