काठमाडौँ — नेपालको वैदेशिक व्यापारमा पछिल्लो आर्थिक वर्षमा उल्लेख्य सुधार देखिएको छ। आयात र निर्यात दुवै क्षेत्रमा उल्लेख्य वृद्धि भएको छ भने कुल वैदेशिक व्यापार २० खर्ब ८१ अर्ब १५ करोड रुपैयाँ नाघेको छ।

भन्सार विभागका अनुसार आयात १३.२५ प्रतिशतले वृद्धि भई १८ खर्ब ४ करोड रुपैयाँ पुगेको छ। उता, निर्याततर्फ भने ऐतिहासिक रुपमा ८१.८० प्रतिशतको वृद्धिसँगै २ खर्ब ७७ अर्ब रुपैयाँभन्दा बढीको निर्यात भएको छ। अघिल्लो वर्षको तुलनामा यो वृद्धिले नेपालको निर्यात इतिहासलाई नयाँ उचाइमा पुर्‍याएको छ।

नेपालबाट सबैभन्दा धेरै सोयाबिन तेल निर्यात भएको छ, जसको कुल निर्यातमा ३८.५ प्रतिशत हिस्सा छ। फलाम/इस्पात, धागो, सूर्यमुखी तेल, गलैँचा, तयारी पोशाक, जुट, जुस, अलैँची, प्लाईउडलगायतका वस्तुहरू प्रमुख निर्यात सामग्रीमा पर्दछन्।

सोयाबिन तेलको मुख्य बजार भारत हो। नेपालले अर्जेन्टिना, ब्राजिल, इन्डोनेसिया, युक्रेनलगायत देशबाट कच्चा तेल आयात गरी प्रशोधन गरेर भारतमा निर्यात गर्दै आएको छ।

नेपालको प्रमुख निर्यात वस्तुहरू