काठमाडौं । चालु आर्थिक वर्ष २०८१/८२ को साउनदेखि वैशाखसम्मको १० महिनाको अवधिमा नेपालको वस्तु निर्यात २ खर्ब १७ अर्ब ९१ करोड रुपैयाँ नाघ्दै ऐतिहासिक कीर्तिमान कायम गरेको छ। यो अघिल्लो आवको सोही अवधिको तुलनामा ७३ प्रतिशतले बढी हो।

यसअघि सबैभन्दा बढी निर्यात भएको आव २०७८/७९ मा २ खर्ब ३ करोड रुपैयाँ बराबरको निर्यात भएको थियो। तर यस वर्ष १० महिनामै त्यो भन्दा बढी निर्यात भएको छ।

मुख्य निर्यात विवरण (१० महिनाको)

यो अवधिमा कुल वैदेशिक व्यापार १६ खर्ब ९२ अर्ब रुपैयाँ बराबरको भएको छ, जसमा निर्यातको हिस्सा १२.८८ प्रतिशत पुगेको छ। अघिल्लो वर्षको तुलनामा निर्यातको हिस्सा ४५.९१ प्रतिशतले बढेको देखिन्छ।

१० महिनामा नेपालले कुल १४ खर्ब ७४ अर्ब रुपैयाँको वस्तु आयात गरेको छ, जुन अघिल्लो वर्षको तुलनामा १३.११ प्रतिशत बढी हो। कुल वैदेशिक व्यापारमा आयातको हिस्सा ८७.१२ प्रतिशत रहेको छ।

मुख्य आयातित वस्तुहरू

व्यापार विज्ञ पुरुषोत्तम ओझाले हालको निर्यात वृद्धिलाई अस्थायी र दिगो नभएको बताएका छन्। उनका अनुसार, नेपालमा उत्पादन नभएको वनस्पति तेलजस्ता वस्तु आयात गरेर भारतमा पुनः निर्यात गरिँदा आर्थिक लाभको ‘भ्यालु एडेड’ नदेखिने खतरा छ।

उनको सुझाव अनुसार नेपालले आफूले उत्पादन गर्न सक्ने र मूल्य अभिवृद्धि हुने वस्तुहरू — जस्तै कार्पेट, अलैँची, छुर्पी, सिमेन्ट आदि — मा ध्यान दिनु आवश्यक छ।