काठमाडौं । साताको अन्तिम दिन नेप्से दोहोरो अंकले बढेर बजार बन्द भएको छ । नेप्सेसँगै कारोबार रकम पनि उत्साहजनक रुपमा बृद्धि भएको छ । 

विहिबार नेप्से सूचक १२।५३ अंकmले बढेर २५२०।२३ विन्दुमा आइपुगेको छ । ४ अर्ब ४९ करोड रुपैयाँभन्दा बढीको सेयर कारोबार भएको छ । बिमा समूहतर्फ लगानीकर्ताको आकर्षण देखिएको छ । निर्जीवन बिमा समूहमा अझै बढी तेजी आएको छ । जीवन बिमा समूहमा पनि राम्रो सुधार देखिएको छ ।

आज कारोबार भएका २२९ कम्पनीहरुमा ९९ कम्पनीहरुको शेयर मूल्य बढेको छ भने बाँकी कम्पनीहरुको शेयर मूल्य भने घटेको छ । विकास बैक र फाइनान्स उपसमूह बाहेक सबै सूचकमा हरियाली छाएको छ । 

यसैगरी, उत्पादनमूलक समूह पनि वृद्धि देखिएको छ । शिखर इन्सुरेन्समा सकारात्मक सर्किट लागेको छ । १३ मध्ये १० उप समूह सकारात्मक बनेको छ । अर्थ मन्त्रालय र राष्ट्र बैंकले तरलता सहज बनाउने नीति लिएपछि त्यसको सकारात्मक प्रभाव सेयर बजारमा पर्न थालेको छ । यसअघि छोटो समयमा पेनिक भएको बजार विस्तारै अघि बढ्ने प्रयत्न गरिरहेको छ । यसअघि बजारमा भारीमात्रामा करेक्सन आएकाले अझै पनि निकै सस्तो मूल्यमा सेयर खरिद गर्न पाइने अवस्था छ ।

यसर्थ, सर्वसाधारण लगानीकर्ताले सबल वित्तीय सूचक भएका, लाभांश क्षमता मजबुत भएकै कम्पनीमा लगानी गर्न विज्ञहरुले पनि सुझाव दिने गरेका छन् । सबल कम्पनीको लगानीले बजारमा हुने जोखिमलाई न्यूनीकरण गर्न सजिलो हुन सक्छ । किन भने सबल र ग्रोथ स्टकमा उच्च लाभांश क्षमताका साथै भविष्यमा कम्पनीले थप मुनाफा आर्जन गर्न सक्ने सम्भावना रहन्छ ।