काठमाडौँ । चालू आर्थिक वर्ष २०८१/८२ को तेस्रो त्रैमाससम्म आइपुग्दा अधिकांश वाणिज्य बैंकको खराब कर्जा (NPL – Non-Performing Loan) बढेको छ। वाणिज्य बैंकहरूले प्रकाशित गरेका अपरिष्कृत वित्तीय विवरणअनुसार २० वटा बैंकमध्ये १८ वटाको खराब कर्जा बढेको छ भने २ वटाको भने घटेको देखिएको छ।

खराब कर्जा घट्नेमा स्ट्याण्डर्ड चार्टर्ड बैंक र एभरेष्ट बैंक रहेका छन्। स्ट्याण्डर्ड चार्टर्ड बैंकको खराब कर्जा २.१४ प्रतिशतबाट घटेर १.४४ प्रतिशतमा झरेको छ। एभरेष्ट बैंकको खराब कर्जा भने ०.७० प्रतिशतबाट घटेर ०.६४ प्रतिशतमा पुगेको छ।

उता, सबैभन्दा बढी खराब कर्जा भने हिमालयन बैंकको देखिएको छ। सो बैंकको खराब कर्जा ७.६८ प्रतिशत पुगेको छ, जुन अघिल्लो वर्षको सोही अवधिमा ४.९६ प्रतिशत थियो।

अन्य धेरै बैंकहरूको खराब कर्जामा उल्लेख्य वृद्धि भएको छ। सम्पूर्ण विवरण तलको तालिकामा हेर्न सकिन्छ।

वाणिज्य बैंकहरूको तेस्रो त्रैमाससम्मको खराब कर्जा विवरण