काठमाडौं । चैत महिनाका लागि देशभरका विभिन्न बैंकहरूले ब्याजदर समायोजन गरेका छन्। वाणिज्य बैंकहरूले मुद्दती निक्षेपमा फागुन महिनाकै ब्याजदर निरन्तरता दिए पनि केही बैंकले ब्याजदर घटाएका छन्। लक्ष्मी सनराइज बैंक, नेपाल बैंक र हिमालयन बैंकले ब्याजदर घटाएपछि औसत ब्याजदर ०.०८ प्रतिशतले घटेर ५.९३ प्रतिशतमा झरेको छ, जुन फागुनमा ६.०१ प्रतिशत थियो।

व्यक्तिगत मुद्दती खातामा ८ बैंकले ब्याजदर समायोजन गरेका छन्। तीमध्ये ५ बैंकले ब्याजदर बढाएका छन् भने ३ बैंकले घटाएका छन्। कुमारी बैंकले ०.१० प्रतिशत, एनएमबि बैंक, एनआईसी एसिया बैंक, हिमालयन बैंक र नबिल बैंकले समान ०.२५ प्रतिशतले ब्याजदर बढाएका छन्। माछापुच्छ्रे बैंकले ०.५०, सानिमा बैंकले ०.३० र नेपाल बैंकले ०.२० प्रतिशतले ब्याजदर घटाएका छन्।

संस्थागत मुद्दती निक्षेपतर्फ सात बैंकको ब्याजदर परिवर्तन भएको छ। राष्ट्रिय वाणिज्य बैंक, एनएमबि बैंक, एनआईसी एसिया बैंकले ०.२५ प्रतिशतले र कुमारी बैंकले ०.२६ प्रतिशतले ब्याजदर बढाएका छन्। त्यस्तै, हिमालयन बैंकले ०.२५, लक्ष्मी सनराइज बैंकले ०.५० र सिटिजन्स बैंकले ०.६५ प्रतिशतले ब्याजदर घटाएका छन्।

बैंकहरूले चैत महिनाका लागि बचत खातामा औसत ३ प्रतिशत ब्याजदर कायम राखेका छन्। व्यक्तिगत मुद्दती निक्षेपमा अधिकांश बैंकले ५ प्रतिशतभन्दा माथिको ब्याजदर तोकेका छन् भने संस्थागत मुद्दती खातामा ३ देखि ४ प्रतिशतसम्म ब्याजदर कायम गरिएको छ।

देशभरका बैंकहरूले ब्याजदर परिवर्तन गरेसँगै निक्षेपकर्ता तथा ग्राहकहरूका लागि नयाँ ब्याजदरको आधारमा आफ्नो निक्षेप व्यवस्थापन गर्ने अवसर खुलेको छ।

मुख्य बैंकहरूको ब्याजदर स्थिति