काठमाण्डौं - यो वर्षको लागि अन्तिम शेयर कारोबार दिन पनि नेप्से परिसूचक दोहोरो अंकले घटेर बजार बन्द भएको छ । समग्रमा यो वर्ष लगानीकर्ताको लागि सुखद हुन सकेन ।
बुधबार परिसूचक १०.७१ अङ्कले घटेर समग्र बजार २०२५ विन्दुमा आएको छ । नेप्से घटेसँगै कारोबार रकम पनि हिजोको तुलनामा घटेको छ । आज ३ अर्ब ४८ करोडमाथिको शेयर किनबेच भएको छ ।
आज एक कम्पनीको शेयर मूल्यमा सर्किट लागेर कारोबार भएको छ भने हिमालयन री इन्स्योरेन्सको शेयर सबै भन्दा धेरै मूल्यको कारोबार भएको छ ।
आज सबै उप सूचक घटेका छन् भने उत्पादन र व्यापार उप सूचक भने सामान्य बढेका छन् । फाइनान्स र बीमा समूहका लगानीकर्ताले आज धेरै गुमाएका छन् ।
सरकारले बिहीबार सार्वजनिक बिदा दिएसँगै आज नै यो वर्षको लागि अन्तिम कारोबार दिन रहेको छ ।