२०८१ बैशाख ४, मङ्गलबार
२०८१ बैशाख ४, मङ्गलबार
काठमाडौं - मंगलबार नेप्से परिसूचक १५ अङ्क भन्दा धेरैले घटेको छ भने कारोबार रकम पनि हिजोको तुलनामा घटेको छ । आज २ अर्ब ८२ करोडको शेयर किनबेच भएको छ ।
नेप्से परिसूचक १५.७० अंक घटेर २१११.६८ विन्दुमा झरेको छ। त्यसैगरी, यस दिन सेन्सेटिभ इण्डेक्स २.३६ अंक घटेको छ भने फ्लोट इण्डेक्स १.२३ अंक र सेन्सेटिभ फ्लोट इण्डेक्स ०.८० अंक घटेको छ।
नेप्सेसँगै यस दिन कारोबार रकम पनि घटेको छ। अघिल्लो कारोबार दिन ३ अर्बभन्दा बढीको शेयर खरिदबिक्री भएकोमा यस दिन २५९ पटकको कारोबारमा ५३ हजार ८७८ पटकको कारोबारमा २ अर्ब ८२ लाख ४५ हजार रुपैयाँ बराबरको ७५ लाख ५३ हजार कित्ता शेयर खरिदबिक्री भएको छ।
मंगलबार आदर्श लघुवित्त वित्तीय संस्था लिमिटेडेको शेयर सकारात्मक सर्किट लेभलमा कारोबार भएको छ। यस दिन सो लघुवित्तको शेयरमूल्य १४४ रुपैयाँ ९० पैसा बढेर १ हजार ५९४ रुपैयाँ २० पैसामा अन्तिम कारोबार भएको छ। त्यसैगरी, यस दिन बाराही हाइड्रोपावरको शेयरमूल्य करिब साढे ७ प्रतिशत बढेको छ भने लुम्बिनी जनरल इन्स्योरेन्सको शेयरमूल्य ६ प्रतिशतभन्दा बढी बढेको छ। यस दिन प्राइम लाइफ इन्स्योरेन्सको शेयरमूल्य यस दिन सर्वाधिक ५.२१ प्रतिशत घटेको छ।
कारोबार रकमका आधारमा यस दिन रिडी पावर कम्पनी शीर्ष स्थानमा रहेको छ। सो कम्पनीको यस दिन १९ करोड २० लाख रुपैयाँ बराबरको शेयर खरिदबिक्री भएको छ। त्यस्तै, यस दिन लुम्बिनी जनरल इन्स्योरेन्सको १४ करोडभन्दा बढीको शेयर कारोबार भएको छ।
१३ उपसमूहमध्ये यस दिन जलविद्युत उपसमूहबाहेक अरु सबै उपसमूहको परिसूचक घटेको छ। यस दिन जलविद्युत उपसमूहको परिसूचक ०.०२ प्रतिशत घटेको छ। घटेका उपसमूहमध्ये लगानी, जीवन बीमा र लघुवित्त उपसमूहको परिसूचक १ प्रतिशतभन्दा बढी घटेको छ भने बाँकी उपसमूहको गिरावटदर १ प्रतिशतभन्दा कम रहेको छ।
काठमाण्डौं - रिक्त भएको धितोपत्र बोर्डमा तत्कालका लागि अध्यक्षको जिम्मेवारी अर्थमन्त्रालयका सहसचिव रितेश कुमार शाक्यलाई दिइएको छ।
काठमाडाैं - नेप्से परिसूचक निरन्तर ओरालो लाग्ने क्रम अझै रोकिएको छैन। नयाँ वर्ष सुरु भएसँगै कारोबार भएका सबै कारोबार दिनमा नेप्से घटेको छ।
काठमाडौं–नेपाल वायुसेवा निगमले दुई न्यारोबडी र दुई वाइडबडी जहाज खरिद गर्न लिएको ऋणबापत किस्ता ५३ करोड नौ लाख ५५ हजार भुक्तानी गरेको छ । ऋणदाता कर्मचारी सञ्चय कोष र नागरिक लगानी कोषलाई...
