काठमान्डौ - साताको पहिलो दिन आइतबार नेप्से परिसूचक दोहोरो अङ्कले बढेको छ, भने कारोबार रकममा पनि बिस्तारै सुधार हुँदै गएको देखिन्छ।
करिब २३ अङ्कले बढेर समग्र २ हजार २७ बिन्दु नजिक पुगेको छ ।
करिब एक दर्जन कम्पनीको सेयर मूल्यमा सर्किट लागेर कारोबार हुँदा कारोबार रकम भने ४ अर्ब२२ करोड माथि पुगेको छ। यो केही समय यताको सबैभन्दा धेरै कारोबार रकम हो।
लगातार ५ दिनसम्म घटेको सर्वोत्तम सिमेन्टको सेयर मूल्य समेत आज ४% भन्दा धेरैले बढेको छ।
आज फाइनान्स र बीमा समूहमा लगानीकर्ताको निकै चाम देखियो। नेपाल प्रहरी बीमा कम्पनीको संस्थापक सेयर आज धेरै मूल्यको खरिद बिक्री भएको छ।