मन्दाकिनी हाइड्रोपावरको आइपीओ आजदेखि कारोबारमा आउने,पहिलो कारोबार कतिमा होला ?

काठमाडौं - मन्दाकिनी हाइड्रोपावर कम्पनीकोे आइपीओ नेप्सेमा सूचीकरण भएको छ । मंगलबार यसको ५८ लाख ८० हजार ३६९ कित्ता सेयर सूचीकरण भएको हो । 

अब आज बुधबारबाट यसको सेयर कारोबार खुला हुनेछ । नेप्सेले यसको ओपनिङ रेन्ज पनि तोकेको छ । जसअनुसार पहिलो कारोबार न्यूनतम १०२ रुपैयाँदेखि अधिकतम ३०७ रुपैयाँभित्र रहेर हुनेछ । एमएचएल संकेतमा यसको कारोबार खुला हुनेछ ।

 कम्पनीले साउन ९ गतेबाट १२ गतेसम्म ११ करोड ७६ लाख ७ हजार ३०० रुपैयाँ बराबरको आइपीओ जारी गरेको थियो । यो मध्ये ५% अर्थात् ५८ हजार ८०३ कित्ता सामूहिक लगानी कोष र २% अर्थात् २३ हजार ५२१ कित्ता सेयर कर्मचारीहरुका लागि छुट्याइएको थियो । बाँकी १० लाख ९३ हजार ७४९ कित्ताका लागि सर्वसाधारणले आवेदन दिन सक्ने व्यवस्था थियो ।  

प्रतिक्रिया

//