काठमाण्डौ-उपत्यकामा फेरी एक साता निषेधाज्ञा थपिने भएको छ । तीन जिल्लाका प्रमुख जिल्ला अधिकारीहरुले सो विषयमा निर्णय गर्ने स्रोतको दावी छ ।

उपत्यकमा अझै पनि जोखिम कायमै रहेको र संक्रमण दर नघटेको कारण फेरी एक साता थप्ने तयारी गरिएको हो । यो साता अधिल्लो समयमा भन्दा केहि खुकुलो बनाएको निषेधाज्ञा अव झन सहझ बनाउने तयारी भइरहेको छ ।

निषेधाज्ञा केही खुकुलो भने हुनसक्ने उनले बताए। निषेधाज्ञामा निर्माणजन्य कार्यलाई निरन्तरता दिइने छ।

बिहान ९ बजेसम्म मात्र किराना पसल तथा तरकारी पसल खुल्दै आएकोमा अब एक घन्टा थपेर १० बजेसम्म खुल्न दिइने छ ।

अहिले पनि उपत्यकाका तीन जिल्लाहरुमा संक्रमण दर ३० प्रतिशत र संक्रमितको संख्या १ हजार हाराहारी रहेको छ ।