काडमाडौं– प्रधानमन्त्री तथा नेकपा एमालेका अध्यक्ष केपी ओलीको कदम विरुद्ध लड्न साथ दिँदै आएका वरिष्ठ नेता माधब कुमार नेपाल पक्षका नेताले एक पछि अर्को नेपाललाई साथ छोड्दै गएका छन् । प्रतिनिधि सभा विघटन हुने समयमा नेपाल पक्षमा ४४ सांसद रहेकोमा नेपाली कांग्रेसका सभापति शेर बहादुर देउवालाई प्रधानमन्त्री बनाउन शुक्रवार राष्ट्रपति कार्यालयमा बुझाएको हस्ताक्षर गर्ने बेलामा नेपालसँग २० सांसद रहेका छन् । ओलीले विश्वासको मत लिँदा नेपाल पक्षका २८ सांसद संसदमा उपस्थित भएका थिएनन् । २७ जनाको देउवालाई प्रधानमन्त्री बनाउन हस्ताक्षर बुझाएको भए पनि आफ्नो समर्थन नभएको भन्दै सञ्चार माध्यममा खण्डन गरेका छन् ।

शुक्रबार ओलीको विरुद्धमा बुझाएको हस्ताक्षरमा नाम भएका करिब एक दर्जन नेताले शेर बहादुर देउवालाई प्रधानमन्त्री बनाउन आफ्नो समर्थन नरहेको बताएका छन् । देउवाले आफ्नो हस्ताक्षर दुरुपयोग गरेको भन्दै जयबहादुर राईले विज्ञप्तिनै निकालेका छन् । देउवाको पक्षमा बुझाएको हस्ताक्षर भएका मध्ये नेपाल पक्षका सुरेन्द्र पाण्डे, गोकर्ण विष्ट घनश्याम भुसाल, योगेश भट्टराई, नारायण खतिवडा र गणेश पहाडीले आफ्नो समर्थन नभएको बताएका छन् । नेपाल स्वयं आफु राष्ट्रपति समक्ष उपस्थित भएका थिए । भिम रावलहरुले भने प्रधानमन्त्री ओलीले संसद विघटन गर्न लागेकाले संसद बचाउनका लागि हस्ताक्षर गरेको बताएका छन् ।