काठमाण्डौ – साताको अन्तिम दिन नेप्से २६ अंकले बढेर समग्र बजार २६१० विन्दुमा पुगेको छ । लगातार २ दिन अर्धसतक भन्दा धेरैले घटेको नेप्से त्यस पछिको एक दिन सोहि अनुसारले बढेको थियो ।
आज नेप्सेमा बृद्धि भएपनि कारोबार रकम पनि निकै न्युन रहेको छ । २ सय १७ कम्पनीहरुको दिनैभरिमा ४ अर्व ३५ करोड बराबरको कारोबार भएको छ । कारोबार भएका मध्य १३९ कम्पनीहरुको शेयर मूल्य बढेको छ भने ३२ कम्पनीहरुको शेयर मुल्य घटेको छ । त्यस्तै १२ कम्पनीहरुको शेयर मूल्य भने यथावत रहेको छ ।
नेप्सेका सबै उपसूचकहरु आज बढेका छन । होटल र लगानी उपसमूह भने सामान्य घटेको छ । आज ३ कम्पनीहरुको शेयर मूल्यमा सर्किट लागेको छ भने एनसीसी बैकको सबैभन्दा धेरै कारोबार भएको छ ।