काठमाडौँ । नेपाली नारिहरूको महान् पर्व हरितालिका तीज आउन अब एक महिना मात्र बाँकी छ। यसै पर्वलाई मध्यनजर गर्दै यो वर्ष ३ सय भन्दा धेरै तीजका गीतहरू सार्वजनिक भएका छन्। तीमध्ये केहि गीतहरूले चर्को आलोचना खेपिरहेका छन् भने केहीले दर्शक स्रोताको मन जित्न सफल भइरहेका छन्।

यसैबीच, सुमधुर आवाजकी धनी गायिका निशा क्षेत्री, युवराज आचार्य, र सूर्य खड्काको आवाजमा सन्देशमूलक तीज गीत "लाहुरे" भर्खरै मात्र सार्वजनिक भएको छ। गीतले पछिल्लो समय युवाहरूमा देखिएको विदेश मोहलाई प्रभावकारी रूपमा उजागर गरेको छ। गीतको अडियो र भिडियो निर्माणमा निर्माण युनिटले निकै मेहनत गरेका छन्।

गीतलाई निशा क्षेत्री र देवी खत्रीले सिर्जना गरेका हुन् भने गीतको संगीत संयोजन तारानाथ आचार्यले गरेका छन्। यता, म्युजिक भिडियोको निर्देशन कुमार केसीले गरेका छन् भने अर्जुन सुवेदी, सलिना क्षेत्री, र तेश रेग्मीको अभिनय रहेको छ।