काठमाडौं–प्रधानमन्त्री केपी शर्मा ओली प्रतिनिधिसभा विघटन गरेपछि नेकपाकै अध्यक्ष पुष्पकमल दाहाल, माधब कुमार नेपाल, नेपाली कांग्रेसले सडक आन्दोलन सुरु गरिरहेका बेला नागरिक समाज पनि आन्दोलित भएको छ । संसद विघटनको विरुद्ध आज काठमाडौंमा वृहत नागरिक प्रदर्शनको आयोजना गरिएको छ ।

‘प्रतिगमनको सशक्त विरोध गरौं’ भन्ने नारासहित नागरिक अगुवाहरुले आज शनिबार दिउँसो २ बजे माइतीघरमा प्रदर्शन गर्ने कार्यक्रम आयोजना गरेको जनाएका छन् ।
‘प्रतिगमनविरुद्ध नागरिक आन्दोलन’ को ब्यानरमा हरेक दिन दिउँसो २ बजे माइतीघर मण्डलामा प्रदर्शन गर्ने भएका छन् ।