काठमाडौं–नेपाप उद्योग वाणिज्य महासंघले जारी गर्दै आएको वस्तु उत्पत्ति जारीको प्रमाण पत्र अब अर्का दुई निजी क्षेत्रका संस्थाले पनि जारी गर्न पाउने भएका छन् ।
‘उत्पत्तिको प्रमाणपत्र जारी गर्नेसम्बन्धी कार्यविधि २०७७’ अनुसार नेपाल उद्योग परिसंघ (सिएनआई) र नेपाल चेम्बर अफ कमर्शले पनि उत्पतिको प्रमाणपत्र जारी गर्ने अधिकार दिइएको छ । यसले महासंघलाई ठूलो धक्का लागेको छ । महासंघकी अध्यक्ष भवानी राणाले लविङ गरेर रोकेर राखेको भए पनि शेखर गोल्छा अध्यक्ष हुनसाथ कार्यविधि पास भएर दुई संस्थालाई अधिकार दिएको छ । यसले गत महिना अध्यक्षको पद सम्हालेका गोल्छालाई झड्का लागेको छ ।
नयाँ कार्यविधिले महासंघको एकाधिकार तोडिएको छ । भारततर्फको निकासीमा उत्पतिको प्रमाणपत्र जारी गर्ने अधिकार महासंघ सँगै सिएनआई र चेम्बरले पनि पाउने भएका छन् ।
उत्पत्तिको प्रमाणपत्र आफूहरुले पनि जारी गर्न पाउनुपर्ने माग गर्दै दुई संस्थाले लविङ गर्दै आएका थिए । चेम्बर र सिएनआईले पनि निकासीमा उत्पतिको प्रमाणपत्र जारी गर्न पाउने व्यवस्था भएको उद्योग वाणिज्य तथा आपूर्ति मन्त्रालयले जनाएको छ ।
उत्पतिको प्रमाणपत्र जारी गर्न अनुमति प्राप्त संस्थाले निर्यातकर्ताले पेश गरेको बीजक मूल्यको आधारमा प्रति सयको नौ पैसाको दरले सेवा शुल्क लिन पाउने व्यवस्था छ ।