२०८१ चैत २२, शुक्रबार
२०८१ चैत २२, शुक्रबार
सरकारले यहि कात्तिक ७ गतेबाट क्लिन फिडलाई कडाइका साथ लागु गर्ने भएको छ ।
आज एक विज्ञेप्ति जारी गर्दै सञ्चार तथा सूचना प्रविधि मन्त्रालयले समायावधी थप गर्न नसकिने भन्दै क्लिन फिड कडाइका साथ लागु गर्न सम्वन्धित सबैलाई आग्रह गरेको छ । क्लिन फिड भनेका नेपालमा प्रशारण हुने कुनै पनि विदेशी च्यानहरुले च्यानलमा विदेशी विज्ञापन देखाउन पाउने छैनन् । पुर्व सञ्चारमन्त्री गोकुल बास्कोटाको पालामा यो निती कडाइका साथ लागुगर्ने कामले प्रगति लिएको थियो । अब केवल अपरेटरहरुले आफ्नो डाउलिङ्क लाइसेन्स नविकरण गर्दा क्लिनफिड अनिवार्य गर्नु पर्ने हुन्छ ।
नेपालमा सयौं विदेशी च्यानहरुले आफ्नै देशका विज्ञापन देखाइरहेका छन । यसले नेपाली विज्ञापन बजारमा समेत ठुलो फाइदा हुने देखिन्छ । किन भने विदेशी कम्पनीहरुले अब आफ्नो उत्पादन प्रवद्र्धन गर्नका लागी नेपाली भाषामै त्यो पनि नेपाली च्यानहरुमै विज्ञापन गर्नु पर्ने छ । यसले नेपाली विज्ञापन बजार नेपाली टेलिभिजनहरुलाई समेत फाइदा पुग्ने छ ।
सरकारले जारी गरेको विज्ञेप्ती यस्तो छ
प्रेस विज्ञप्ती
विज्ञापन (नियमन गर्ने) ऐन २०७६ को दफा ६ (१) अनुसार नेपालमा प्रसारण हुने विदेशी टेलिभिजन च्यानलहरुले विज्ञापनरहित –क्लिन फिड ) प्रसारण गर्नुपर्ने र ऐन प्रारम्भ हुँदाको वखतमा विदेशी च्यानलसँग डाउनलिङ गरी प्रसारण गर्न सम्झौता गरिसकेका संस्थाहरुले ऐन प्रारम्भ भएको मितिले एक वर्षभित्र अर्थात मिति २०७७ साल कार्तिक ७ गतेभित्र विज्ञापनरहित ( क्लिन फिड) प्रसारण गर्नुपर्ने स्पष्ट कानुनी व्यवस्था रहेको सर्वबिदितै छ । यस मन्त्रालय तथा मन्त्रालयका सचिवज्यूलाई संवोधन गरि विभिन्न माध्यमबाट Indian Broadcasters Forum, Discovery Networks, BBC News , नेपाल केवल टेलिभिजन महासंघ लगायतका संघ ÷ संस्थाहरुबाट विज्ञापनरहित ( क्लिन फिड) प्रसारणको म्याद थप गर्न माग गरिएको विषयमा यस मन्त्रालयको ध्यानाकर्षण भएको छ । मिति २०७७ साल कार्तिक ७ गतेभित्र विज्ञापनरहित (क्लिन फिड) प्रसारण गर्नुपर्ने व्यवस्था ऐनद्धारा नै गरिएको र ऐनद्धारा नै एक वर्षको तयारी अवधि समेतको व्यवस्था भएकाले ऐनको मर्म र भावना अनुरुप तोकिएको मितिदेखि विज्ञापनरहित (क्लिन फिड) प्रसारण गर्न ÷गराउन सम्बन्धित सबै संघसंस्थाहरुलाई अनुरोध गरिएको छ । मिति २०७७ साल कार्तिक ७ गतेभित्र विज्ञापनरहित (क्लिन फिड) प्रसारण नभएमा प्रचलित कानून बमोजिम हुने व्यहोरा समेत जानकारी गराइन्छ ।
२०७७ असोज २८ गते, बुधबार
रुपन्देहीको बुटवलस्थित उच्च अदालत तुलसीपुरको इजलासले राष्ट्रिय स्वतन्त्र पार्टीका सभापति रवि लामिछानेलाई सुप्रिम सहकारी घोटालासम्बन्धी मुद्दामा थुनामा राख्न आदेश दिएको छ। न्यायाधीश रमेश ढकाल र स्वी...
काठमाडौं — प्रधानमन्त्री केपी शर्मा ओलीले भारतीय समकक्षी नरेन्द्र मोदीसँगको भेटलाई आत्मीय, सार्थक र सकारात्मक भएको बताएका छन्। थाइ...
बारा, २२ चैत । बाराको यातायात व्यवस्था कार्यालयमा व्यापक अनियमितता र गैरकानुनी असुली चलिरहेको खुलेको छ। गौरस्थित कार्यालयमा रहँदा अनियमि...
