सम्माननीय प्रधानमन्त्री श्री केपि शर्मा ओली अहिले दोस्रो पटक आफ्नो मिर्गौला सफल प्रत्यारोपण पश्चात स्वास्थ लाभको लागी अस्पतालको शैयामै हुनुहुन्छ । समग्र नेपालीको तर्फबाट उहाँको शिघ्र स्वास्थ्य लाभको कामना गर्न चाहान्छु ।

ठुला नेताहरुमा कमै मात्र पाइने गुण यो पटक ओलीमा देखियो जसले धेरै नेपालीको मन खुसि भएको छ । पातलो सिगान आँउदा पनि विदेश जाने नेताको लागी प्रत्यारोण जस्तो जटिल उपचारको लागी पनि नेपाली डाक्टरहरुलाइ विश्वास गर्नु भएकोमा हजुर धन्यवादको पात्र हुनुहुन्छ । हजुरको उच्च मनोवल र हँसिलो अनुहारनै हजुरको लागी सबै भन्दा ठुलो दवाइ हो ।

एक पटक फेरेको मिर्गौलाले १२ बर्ष सम्म काम गर्ने रैछ । अव फेरी कम्तीमा १२ बर्ष हजुरले यो देशको लागी योगदान गर्नुहुने छ भन्ने पुर्ण विश्वास मैले मात्र होइन तिन करोड जनताले गरेका छन् । नेपालकै इतिहाँसमा शक्तिशाली सरकारको प्रमुख हुनुहुन्छ ओली ज्यू,कम्तीमा पनि दिल्लीमा केजरीवालले जत्तिको लोकप्रिय काम गर्न यहाँलाई प्रेणा मिल्ने छ भन्ने हामीले आशा मात्र होइन पुर्ण विश्वास समेत लिएका छौं ।

दिल्लीमा केजरीवालले दोस्रो पटक प्ुर्ण बहुमत र तेस्रो पटक मुख्य मन्त्रीको रुपमा केहि समय अगाडी सपथ खाएका छन । उनले गरेको कामको अन्य प्रदेशहरुमा समेत सिको गरिरहेको कुरा विभिन्न सञ्चार माध्यमहरुले लेखिरहेका छन । कस्तो अचम्म ? लगातार ३ पटक जिम्मेवारी पाउन सकेको होला ? यसको पछि आखिर के छ त्यस्तो ? प्रधानमन्त्री ज्यू खासै केहि छैन जनता सँग सम्बन्धीत तिन चार काम गरि दिए हामी मख्ख पर्छौं अनि जय जयकार गर्न थाल्छौं । हाम्रो अपेक्षा र चाहना पनि त्यति ठुलो कहाँ छन् र ? मात्र केजरीवालले एउट प्रदेशमा गरे जस्तै कम्तीमा पनि हामीले बाग्मती प्रदेशमा गर्न सके कस्तो हुँदो हो ? सुन्दै अच्चम लाग्ने दिल्लीमा त जति र जस्तो उपचार गरे पनि सबै निशुल्क । शिक्षा निशुल्क । विद्युत २ सय युनिट सम्म निशुल्क । पानी निशुल्क । वाह । यहाँ भन्दा हामीलाई के चाहियो ? आखिर गर्न खोज सम्भव त रै छ नी हैन र ? हामीले पनि हजुरबाट अरु नभए पनि कम्तीमा पनि स्वास्थ्य क्षेत्रको सम्पुर्ण उपचार निशुल्क भइदिए कोहि पनि उपचार नपाएर अकालमा मर्न पर्ने थिएन ।

भनिन्छ तपाईले कसैको पिडाको असली महशुस त्यो बेला गर्नु सक्नु हुन्छ, जति बेला त्यो पिडा तपाई आफैलाई पर्छ । यहि कुरालाई आधार मान्ने हो भने नेपालमा रहेका हजारौं मिर्गाैला पिडीतको पिडा स्वयम प्रधानमन्त्रीले भोग्नु भएको छ । कति पिडा र सन्झट छ । त्यस माथी सरकारी अस्पतामा हप्ताको दुई पटक डायलाइसिस गराउनु पर्दाको पिडा खपिनसक्नु रहेको छ । यो झन्झट हजुरले त भोग्नु परेर तर यो बारेमा पक्कै जानकार हुनुहुन्छ । यो रोगका विरामी जसरी बढिरहेका छन त्यसैगरि उपचारमा पनि झनझन र दुख थपिँदै छ । मलाई लागेको छ अब यो विषयमा हजुरले केहि खुसिको कदम चाल्नुहुने छ ।

कम्तीमा पनि प्रधानमन्त्री उपचार भएर निस्के पछि नेपालमा सबै अस्पतालहरुमा मिर्गौला र।ेगीको उपचार निशुल्क गर्ने ब्यवस्था गर्नु भयो भने सबैले राहात पाउने थिए । हरेक जिल्लाको कम्तीमा पनि एउटा अस्पतालमा यो सेवा पुर्ण निशुल्क बनाउन सकियो भने जनताले राहातको शास फेर्न पाउने थिए । केहि अस्पतालहरुमा अहिले सिमिति उपचार निशुल्क छ तर यो हात्तीको मुखमा जीरा जस्तै भएको छ । हजुरले त मिर्गौला पनि सहज रुपमा पाउनु भयो उपचार पनि सहजनै भयो तर हामी जस्तो गरिव जनताले काल पर्खिनु वा घरखेत बेचेर उपचार गर्नु बाहेक अरु केहि छैन । अहिले सरकारले प्रदान गरिरहेको मिगौलाको डायलासिस सेवा विरामीको संख्याको तुलनामा निकै कम रहेको कुरा सञ्चारमाध्यमहरुले पनि लेख्दै आइरहेका छन । साच्ची म जस्ता मध्यम बर्गका मानिष १५÷२० लाख ऋण लिएर आफ्नो मिर्गौला फेर्न सक्ने अबस्थामा छैनौं । यो क्षमतालाई ब्यापक बृद्धि गरौं अनि धेरैले भन्दै आइरहको अंक दानको नितीलाई पनि परिमार्जन गरि केहि सहज बनाउ । यति भनिरहदा दुई छाक खानकै लागी अबैध रुपमा आफ्नो अंग दिनेहरुको लागी पिडा होला त्यस्ता विकृतिहरुलाई पनि नियमन गर्ने गरि कानुनको विकास गरौं ।

नेपाल यस्तो देश बनोस जहाँ कोहि पनि रोग लागे पछि उपचार नपाएर ज्यान गुमाउन नपरोस । हामी सँग भएको स्रोत साधनले यो सम्भव पनि छ । प्रधानमन्त्री ज्यू आफु यस्तो जटिल परिस्थितिबाट निको हुनु भएको छ अब हजुरले हजुर जस्तै हजारौै मिर्र्गौला पिडिलको असली भावना बुझ्न सक्नुहुने छ र शक्तिशाली हजुरको सरकारले यो सम्बन्धी ठोस निर्णय लिने छ भन्नेमा हामी सारा नेपाली आशावादी रहेका छौं ।