निकै कम मात्र आफ्नो कलम गीत संगीतको लागी चलाउने लोकप्रिय सर्जक नवराज पन्तले सिर्जना गरेका हरेक गीतमा फरक पन मात्र हुँदैन विषयबस्तु समेत नयाँ हुन्छ ।
यसै कारणले पनि उनका हरेक गीतले दर्शकको मुटुमा डोव बनाउछन् । अर्थात पन्तका शब्दले सबैको मन छुने गर्दछ । करिव ६ करोड दर्शक नजिक रहेको सालको पात गीतका सर्जक पन्तले सिर्जना गरेको नयाँ गीत चाँदी कहाँ होलाले समेत सबैको प्रशंसा बटुलिरहेको छ ।
गीत चर्चित हुनको लागी शब्दको समेत महत्वपुर्ण भुमिका हुन्छ तर शब्दले मात्र गीत उत्कृष्ट हुन्छ भन्नु पनि गलत हुन्छ । सबै पक्ष उत्कृष्ट भए पछि मात्र गीत सर्वोत्कृष्ट बन्छ र यस्ता सिर्जनाले सबैको मन जित्छ ।
कतिपय नवराज पन्तका सिर्जना ओझेलमा पनि परेका छन्, त्यसका कारण अन्य पक्ष सँग पनि जोडीएको हुन्छ तर शब्दलाई मात्र हेर्ने हो भने पन्त सँधै सुपर हिटनै छन ।
अब कुरा गरौै भर्खर मात्र सार्वजनिक भएको गीतको । निकै मेहनतका साथ म्युजिक भिडियो र सुमधुर आवाज भरिएको सो गीतको सम्पुर्ण पक्ष निकै दमदार रहेको छ । गीतलाई सञ्जु न्यौपाने र रविन लामिछानेले निकै उत्कृष्ट आवाज दिएका छन भने प्रकाश पराजुलीले लय सिर्जना गरेका छन । पछिल्लो समय निकै चर्चामा रहेका संगीत संयोजक कृष्ण विकले संगीत संयोजन गरेको सो गीतलाई युवा निर्देंशक मौषम हिमालीले निर्देशन गरेका छन ।
गीतको म्युजिक भिडियो समेत दमदार रहेको छ । गीतमा ओवी रायमाझी, दुर्गेश थापा,जुना गुरुङ र निशा न्यौपानेले अभिनय गरेका छन । गीतलाई नयाँ च्यानलबाट सार्वजनिक गरिए पनि दर्शकको राम्रो प्रतिक्रिया पाइरहेको छ ।
गीतलाई पुर्ण सफलताको कामना सहित सो गीतको पुरै म्युजिक भिडियो यहाँहरुको लागी