काठमाडौं ।
बागलुङका युवा–युवतीको भावना तथा स्थानीय शैलीको प्रशंसा गर्दै तयार पारिएको नयाँ गीत ‘बागलुङ्गेको बोली’ सार्वजनिक भएको छ।

मिलन लामा, कालिका रोका र युवराज छन्त्यालको आवाजमा रहेको यस गीतका शब्द र संगीत युवराज छन्त्यालले सिर्जना गरेका हुन्। गीतमा कृष्ण केसीको संगीत संयोजन रहेको छ।

दिप गुरुङको निर्देशनमा तयार पारिएको म्युजिक भिडियोमा कालिका रोका, मिलन लामा, आनन्द गुरुङ, लक्ष्मी गुरुङ, मनोज गुरुङ र कुसुम थापाको अभिनय देख्न सकिन्छ।

गीतमार्फत बागलुङ जिल्लाको सांस्कृतिक स्वर, स्थानीय बोलीचाली र युवाहरूको जाँगरिलो भावना प्रस्तुत गरिएको छ। भिडियोसहित सार्वजनिक भएको यो गीतले बागलुङेलीको पहिचान र गर्वलाई उजागर गर्ने विश्वास गरिएको छ।