काठमाडौँ । गायक तथा संगीतकार हेमन्त कान्छा रसाईलीको नयाँ गीत ‘जानै लाग्यो वैँश रिमई’ को म्युजिक भिडियो सार्वजनिक गरिएको छ।

विदाईका भावुक क्षणहरू र रुवाबासी झल्काउने दृश्यहरूसहित प्रस्तुत गरिएको भिडियोमा गायक रसाईली र गायिका देवी घर्तीको मधुर आवाज सुन्न सकिन्छ। गीतमा प्रेम, विछोड र भावनात्मक उतारचढाव समेटिएको छ।

गीतका शब्द राजकुमार बगरले लेखेका हुन् भने मिक्सिङ र मास्टरिङको काम एचबीएन किस्मतले गरेका छन्। संगीत स्वयं हेमन्त रसाईलीले गरेका हुन्।

भिडियोमा गायक रसाईलीसँगै लक्ष्मी थापा मगरले अभिनय गरेकी छन्। दुवैले गीतमा प्रेमभाव र अभिनयमा समान रूपले सशक्त प्रस्तुति दिएका छन्।

निर्देशक एकिन्द्र शाराशंकरले प्रेममा रमाएका दुई जोडीबीचको माया, कल्पना, रोमान्स र अन्ततः बिछोडको पाटोलाई कलात्मक ढंगमा प्रस्तुत गरेका छन्। भिडियोको छायांकन करण चैसियारले, सम्पादन तथा कलर प्रविण भट्टले गरेका छन्। भिडियो गायक हेमन्त रसाईलीकै युट्युब च्यानलबाट सार्वजनिक गरिएको हो।