२०८१ असोज १८, शुक्रबार
२०८१ असोज १८, शुक्रबार
काठमाडौं - सिर्जनाको गहिराईमा पुगेर शब्द र संगीत चयन गर्ने डा. शिव सुवेदीका हरेक गीतले दर्शकको मन छुन्छ। चाहे सामाजिक विषयवस्तु होस् वा माया प्रेम, सुवेदीका सिर्जनाहरू सबै उत्कृष्ट छन्।
दुई दशकभन्दा लामो समयदेखि नेपाली संगीतलाई नजिकबाट बुझेका शिव सुवेदीले निरन्तर गीतसंगीतमा यात्रा गरिरहेका छन्। भर्खरै मात्र उनले लेखेको नयाँ गीत 'नरो है आमा' सार्वजनिक भएको छ। सामाजिक कथावस्तुमा आधारित यो गीतले दर्शक र श्रोताको मन जितिरहेको छ, र सामाजिक सञ्जालमा पनि यसको व्यापक चर्चा भइरहेको छ।
चर्चित गायिका अस्मिता डल्लाकोटीको आवाजमा रहेको यो एकल गीतमा शिव सुवेदीले शब्द रचना गरेका हुन् भने संगीत नन्दु परियारले भरेका छन्। पूर्ण संयोगले संगीत संयोजन गरेको यस गीतको म्युजिक भिडियोमा निर्माण पक्षले अत्यन्तै मेहनत गरेको देखिन्छ।
कपिल लामाले निर्देशन गरेको भिडियोको छायांकन राजेश घिमिरेले गरेका हुन्। भिडियोमा अस्मिता डल्लाकोटी, हिउवाला गौतम, शक्तिकुमार गोदार, कुशल पोखरेल, विष्णु पौडेल, र विनिता पौडेललगायत आधा दर्जनभन्दा बढी कलाकारले अभिनय गरेका छन्।
निर्माण टिमले गीतको अडियो र भिडियोमा निकै मेहनत गरेको छ। यो समाचार तयार पार्दासम्म गीतले करिब ३ लाख ७० हजार दर्शक पाइसकेको छ भने अधिकांश प्रतिक्रियाहरू सकारात्मक रहेका छन्।
काठमाडौं— केही दिनअघि भएको अविरल वर्षाका कारण नेपालमा बाढी, पहिरो र डुबानबाट अहिलेसम्म २३६ जनाको मृत्यु भएको छ भने १९ जना बेपत्ता छन्।
काठमाडाैं - नेपाल र बंगलादेशबीच विद्युत् किनबेचसम्बन्धी ऐतिहासिक सम्झौता भएको छ, जससँगै नेपालले भारतपछि पहिलोपटक तेस्रो देशमा विद्युत् निर्यात गर्न लागेको हो। काठमाडौँम...
काठमाडौं : बडा दशैँको पहिलो दिन आज घटस्थापना। असोज शुक्ल पूर्णिमासम्म १५ दिन दुर्गापक्षमा धूमधामका साथ मनाइने बडादशैँको पहिलो दिन आज घरघरमा विधिपूर्वक दियो, कलश र गणेश स्थापनासहित घटस्थापना गरिन्छ।...
