काठमाण्डौ - यसो त धेरैले तीज गीतमा विकृति आयो भन्ने गरेको सुनिन्छ । तर मौलिक तीज गीतलाई खासै महत्व दिएको समेत पाइँदैन । यो तीजमा पनि त्यस्ता केहि गीतहरु सार्वजनिक भएका छन जुन गीत अत्यन्तै उत्कृष्ट र तीजको भाव वोकेका छन ।
यस्तै असली तीजको गीत लिएर आएका नकुल ढकाल नविनले । निकै थोरै सिर्जना गर्ने तर उत्कृष्ट सिर्जना गर्ने नकुलले यो पटक पनि तपाई हाम्रो गाँउ घरमा घट्ने घटनालाई टिपेर गीतमा माला बनाएका छन ।
अडियो र भिडियो समेत उत्कृष्ट रहेको सो गीतमा रिना केसी,पार्वती जिसी,रवि कार्की,नकुल ढकाल र विनीता पौडेल सुवेदीको आवाज रहेको छ । गीतलाई नकुल आँफैले सिर्जना गरेका हुन ।
गीतको म्युजिक भिडियो समेत निकै उत्कृष्ट रहेको छ । गीतलाई भुपेने वाँनीयाले निर्देशन गरेको सो भिडियोको कथा भने सर्जक ढकालले नै बनाएका हुन । गीतमा पुर्खे बा,अनु पराजुली,माया गिरी,नकुल ढकाल र वर्षा क्षेत्रको अभिनय रहेको छ ।