२०८३ जेठ २१, बिहिबार
२०८३ जेठ २१, बिहिबार
काठमाडौंमा चालू आर्थिक वर्षको माघ मसान्तसम्म सञ्चालनमा रहेका १४ जीवन बीमा कम्पनीहरूले कुल १ खर्ब ११ अर्ब ५ करोड ७८ लाख रुपैयाँ बीमाशुल्क संकलन गरेका छन्। नेपाल बीमा प्राधिकरण ले सार्वजनिक गरेको सात महिनाको तथ्याङ्कअनुसार जीवन बीमा बजारमा नेपाल लाइफ इन्स्योरेन्स सबैभन्दा अगाडि देखिएको छ।
माघ मसान्तसम्म नेपाल लाइफले २९ अर्ब ५९ करोड ६६ लाख रुपैयाँ बीमाशुल्क संकलन गर्दै पहिलो स्थान सुरक्षित गरेको छ। माघ महिनामा मात्रै यस कम्पनीले १५ अर्ब ५० करोड ५८ लाख रुपैयाँ बराबरको बीमाङ्क कायम गरेको छ। दोस्रो स्थानमा नेशनल लाइफ इन्स्योरेन्स १३ अर्ब ३१ करोड ११ लाख रुपैयाँसहित रहेको छ भने तेस्रो स्थानमा एलआइसी नेपाल १२ अर्ब ३ करोड ८५ लाख रुपैयाँसहित रहेको छ। हिमालयन लाइफ १० अर्ब ४३ करोड ६९ लाख रुपैयाँसहित चौथो स्थानमा छ।
सरकारी स्वामित्वको राष्ट्रिय जीवन बीमा कम्पनी ले ७ अर्ब ६१ करोड १६ लाख रुपैयाँ बीमाशुल्क संकलन गरेको छ। त्यसैगरी सूर्यज्योति लाइफ ले ६ अर्ब ६६ करोड १७ लाख, एशियन लाइफ ले ५ अर्ब ५६ करोड २५ लाख र सिटिजन लाइफ ले ४ अर्ब ७३ करोड ९९ लाख रुपैयाँ संकलन गरेका छन्।
सानीमा रिलायन्स लाइफ ले ४ अर्ब २७ करोड ८० लाख, आइएमई लाइफ ले ३ अर्ब ८६ करोड ७८ लाख, मेट लाइफ ले ३ अर्ब ७१ करोड ९ लाख, रिलायबल नेपाल लाइफ ले ३ अर्ब ४८ करोड ८८ लाख, प्रभु महालक्ष्मी लाइफ ले ३ अर्ब २५ करोड ५२ लाख र सन नेपाल लाइफ ले २ अर्ब ४९ करोड ७५ लाख रुपैयाँ बीमाशुल्क आर्जन गरेका छन्।
माघ महिनामा मात्रै जीवन बीमा कम्पनीहरूले ३ अर्ब ४७ करोड ६७ लाख रुपैयाँ प्रथम बीमाशुल्क र १३ अर्ब २० करोड १४ लाख रुपैयाँ नवीकरण बीमाशुल्क संकलन गरेका छन्। सो अवधिमा जारी भएका कुल बीमालेख ३ लाख ७० हजार ४०६ पुगेका छन् भने कुल बीमाङ्क रकम ८ खर्ब ४० अर्ब ४४ करोड ५३ लाख रुपैयाँ पुगेको छ। सक्रिय बीमालेख संख्या १ करोड १५ लाख १३ हजार ३७७ पुगेको छ, जसले बीमा पहुँच विस्तार हुँदै गएको संकेत गर्दछ।
लघु जीवन बीमातर्फ गार्डियन माइक्रो लाइफ, क्रेष्ट माइक्रो लाइफ र लिबर्टी माइक्रो लाइफ ले संयुक्त रूपमा ६ करोड ३७ लाख ५२ हजार रुपैयाँ बीमाशुल्क संकलन गरेका छन्। वैदेशिक रोजगार म्यादी जीवन बीमा पुलमार्फत २० करोड १४ लाख ९७ हजार रुपैयाँ संकलन भएको छ। यी सबै क्षेत्र समेट्दा समग्र जीवन बीमा क्षेत्रको कुल बीमाशुल्क १ खर्ब १३ अर्ब ७१ करोड ४ लाख रुपैयाँ पुगेको छ भने कुल बीमाङ्क रकम १८ खर्ब ६८ अर्ब २१ करोड २९ लाख रुपैयाँ पुगेको प्राधिकरणको तथ्याङ्कले देखाएको छ।
काठमाडौं । भारतका प्रधानमन्त्री नरेन्द्र मोदीले नेपालको विकास, आर्थिक प्रगति र समृद्धिका लागि भारत सदैव साझेदार बन्न तयार रहेको बताएका छन्। नयाँदिल्ली भ्रमणमा रहेका राष...
काठमाडौं । नेपालको पर्यटन क्षेत्रमा उल्लेखनीय सुधार देखिन थालेको छ। प्री–मनसुन सिजनक...
काठमाडौं । अमेरिकी तल्लो सदन (हाउस अफ रिप्रेजेन्टेटिभ्स) ले राष्ट्रपति डोनाल्ड ट्रम्पको इर...
