काठमाडौं – बिहीबार नेपाल स्टक एक्सचेञ्ज (नेप्से) सामान्य वृद्धि हुँदै २.८१ अंकले बढेर २७०२.८६ विन्दुमा पुगेको छ। आजको कारोवारमा झिनो सुधार देखिए पनि करिब ८ अर्ब रुपैयाँ बराबरको शेयर कारोबार भएको छ।

आज दिनभर ७ अर्ब ८४ करोड ४६ लाख ४२ हजार रुपैयाँ बराबरको १ करोड ५५ लाख २ हजार ९९८ कित्ता शेयर किनबेच भएको छ। बजारमा ९३ कम्पनीको शेयर मूल्य बढेको छ भने १५१ कम्पनीको मूल्य घटेको छ। कुनै पनि कम्पनीको शेयर मूल्य स्थिर भने रहेको छैन।

बिहीबार ३२४ कम्पनीका शेयरहरू ६९ हजार ८९ पटक किनबेच भएका छन्। आज १३ वटा समूहमध्ये ३ समूह सकारात्मक रहे भने बाँकी १० समूह गिरावटमा देखिए। सबैभन्दा बढी अन्य समूह १.२९ प्रतिशतले बढेर २४६८.५७ विन्दुमा पुगेको छ।

त्यस्तै, वाणिज्य बैंक समूह १.१० प्रतिशतले बढ्दै १२७९.३४ विन्दुमा पुगेको छ भने निर्जीवन बीमा समूह ०.६४ प्रतिशतको वृद्धिसहित १२ हजार ३४९.१५ विन्दुमा पुगेको छ।

आज सबैभन्दा धेरै ट्रेडिङ समूहमा गिरावट देखिएको छ, जसको सूचक १.९६ प्रतिशतले घटेर ४७८१.७९ विन्दुमा झरेको छ। हाइड्रोपावर समूह भने न्यूनतम ०.२६ अंकले घट्दै ६४४२३.२३ विन्दुमा पुगेको छ।

अन्य समूहहरूमध्ये विकास बैंक समूह ०.२२ प्रतिशतले, फाइनान्स समूह १.५७ प्रतिशतले, होटल तथा पर्यटन ०.१९ प्रतिशतले, लगानी समूह ०.०५ प्रतिशतले, जीवन बीमा ०.७७ प्रतिशतले, उत्पादन तथा प्रशोधन ०.८७ प्रतिशतले, लघुवित्त ०.३७ प्रतिशतले र म्युचुअल फण्ड समूह ०.११ प्रतिशतले घटेका छन्।