सिन्धुपाल्चाेक । सिन्धुपाल्चाेककाे जुगल गाउँपालिका वडा नम्बर २ लिदीस्थित लामाटाेलमा पहिराेमा १३ घर पुरिएका छन् । पहिराेमा परर ५ परिवारका सबै सदस्य बेपत्ता भएकाे स्थानीयले बताएका छन् ।
पहिराे शुक्रबार बिहान ६ बजे गएकाे हाे । पहिराेमा पुरिएका केही मानिसहरु आफैँ निस्किएकाे पनि स्थानीयले बताएका छन् । पहिराे झर्ने र पानी पर्ने क्रम नराेकिएकाले उद्धारमा समस्या भइरहेकाे छ ।
प्रहरीकाे टाेली घटनास्थलतर्फ गइरहेकाे जिल्ला प्रहरी कार्यालयले जनाएकाे छ ।
यसअघि साउन ११ मा मेलम्चीमा पहिराेमा पुरिएर ८ जनाकाे ज्यान गएकाे थियाे । यस्तै, गत असार २४ मा बाढी पहिराेले बेपत्ता भएका २२ जना अझै फेला परेका छैनन् ।