काठमाडौं– साताको पहिलो कारोबार दिन निश्चित परिसूचक दोहोरो अङ्कले घटेको छ। आज नेपाल स्टक एक्सचेञ्ज (नेप्से) २५.४१ अंकले घटेर २६०९.६७ विन्दुमा आएको छ । परिसूचक सँगै आज कारोबार रकममा पनि गिरावट आएको छ।
आज नेप्से ०.९६ प्रतिशतले घट्दा ३ अर्ब ९९ करोड ८० लाख रुपैयाँ बराबरको ८० लाख २१ हजार ६३१ कित्ता शेयर कारोबार भएको छ ।
आज ४३ वटा कम्पनीको शेयर मूल्य बढेको छ भने १९४ वटा कम्पनीको शेयर मूल्य घटेको छ । ६ वटा कम्पनी शेयर मूल्य भने स्थिर हरेको छ । आज सबै उपसोचकहरू घटेर कारोबार हुँदा बीमा र उत्पादन समूहमा धेरै दबाब परेको छ।
आज ३०१ वटा कम्पनी कारोबार आउँदा ४६ हजार ६१४ पटक शेयर किनबेच भएको छ ।
नेप्सेसँगै कारोबार रकम घट्नुलाई सेयर बजारका जानकारहरू भने राम्रो संकेत नभएको बताउँछन्।