काठमाडौं । साताको अन्तिम कारोबार दिन शुक्रबार नेपाल स्टक एक्सचेञ्ज (नेप्से) परिसूचक दोहोरो अंकले बढेर बन्द भएको छ।

आज नेप्से परिसूचक ७९.७४ अंक अर्थात् ३.०६ प्रतिशतले वृद्धि हुँदै २,६७७.५४ बिन्दुमा पुगेको हो। कारोबार अवधिभर बजार सकारात्मक रहँदा अन्तिम समयमा पनि खरिद चाप कायम देखिएको थियो।

आज कुल ४ अर्ब ५५ करोड ३४ लाख २ हजार ३९१ रुपैयाँ ९१ पैसाको कारोबार भएको छ। यस क्रममा १ करोड ३ लाख २६ हजार ५० कित्ता सेयर किनबेच भएको छ।

कारोबारमा सूचीकृत अधिकांश कम्पनीको सेयर मूल्य बढेको छ। आज २५७ कम्पनीको सेयर मूल्य बढ्दा १४ कम्पनीको घटेको छ भने ३ कम्पनीको मूल्य स्थिर रहेको नेप्सेले जनाएको छ।

बजारमा व्यापक खरिद चाप देखिएकाले लगानीकर्ताको मनोबल बलियो बनेको संकेत देखिएको छ। कारोबारभर नेप्से सकारात्मक लयमा रहेर २,६७७.५४ बिन्दुमा बन्द भएको हो।