काठमाडौं – विन नेपाल लघुवित्त वित्तीय संस्था लिमिटेडले थप एफपीओ ९थप सार्वजनिक निष्कासन० जारी गरेको छ। संस्थाले ५१ लाख २९ हजार २५० रुपैयाँ बराबरका ५१ हजार २९२।५ कित्ता सेयर निष्कासन गर्न लागेको हो, जसको प्रति कित्ता मूल्य १०० रुपैयाँ तोकिएको छ।

लघुवित्तले बैंक तथा वित्तीय संस्थासम्बन्धी ऐन, २०७३ को दफा ९ अनुसार स्वपुँजी संरचनामा सर्वसाधारणको हिस्सा ३० प्रतिशत पुर्‍याउन एफपीओ ल्याएको हो।

निष्कासनका लागि चैत २६ गतेसम्म आवेदन दिन सकिने छ। सो अवधिमा मागअनुसार आवेदन नपरेमा आवेदन अवधि २०८२ वैशाख ४ गतेसम्म लम्बिन सक्छ।

एफपीओमा लगानीकर्ताले न्यूनतम १० कित्तादेखि अधिकतम १,००० कित्तासम्म आवेदन दिन सक्नेछन्। इच्छुक लगानीकर्ताले नेपाल धितोपत्र बोर्डबाट स्वीकृति प्राप्त सी–आस्बा सदस्य बैंक तथा वित्तीय संस्थाहरू वा सीडीएस एन्ड क्लियरिङ लिमिटेडको ‘मेरो सेयर’ अनलाइन प्रणालीमार्फत आवेदन दिन सक्नेछन्।

हाल विन नेपाल लघुवित्तको चुक्ता पुँजी सात करोड ९२ लाख ११ हजार ३०० रुपैयाँ रहेको छ। यस एफपीओको बिक्री प्रबन्धक नेपाल एसबीआई मर्चेन्ट बैंकिङ लिमिटेड रहेको छ।